מגפת קורונה - חומרי הסברה והודעות לציבור ממשרד הבריאות בשפה אמהרית

 

 

የኮሮና ቫይረስ ወረርሽኝ

የወቅቱ ዓለምን ዕረፍት የነሳው የወረርሽኝ በሽታ

አጠቃላይ መግለጫ

* ከዶ/ር ሰፈፈ በላይ አይቸህ

12/03/2020

የኮሮና ቫይረስ ወረርሽኝ በሽታ አጭር ታሪክ

" የኮሮና ወረርሽኝ " በሽታ ካለፈው ከዲጼምበር ወር 2019 ዓ.ም ጀምሮ በቻይና አገር ውስጥ

በመከሰቱና አዲስ በሽታ ሆኖ በመገኘቱ በዓለም ላይ ከፍ ያለ ስጋትን በመፍጠር ላይ ይገኛል ። ይህ በሽታ የጀመረው በቻይና አገር በሁባይ ክፍለ ሐገር፣ ልዩ ስሟ ሁዋኢን በተባለች ከተማ ነው ። ይህ በሽታ ውሎ ሳያድር ስርጭቱ በፍጥነት በመዛመት፣ ይህ ጽሑፍ እስከ ወጣበት ቀን ድረስ በዓለማችን ከ 90 በላይ አገሮችን የበከለ መሆኑ እየተገለጠ ይገኛል ። በሽታው አህጉርን ሳይለይ በሩቅ ምሥራቅ ፤ በመካከለኛው ምሥራቅ ፤ በአውሮፓ ፤ በአሜሪካዎች፣ በአፍሪካና በሌሎች አህጉራትም በመዛመት ላይ ይገኛል ። በአጠቃላይ ኮሮና የተባለውን የቫይረስ ቤተሰብ ሳይንቲስቶች ያወቁት ከ 70 ዓመት በፊት ሲሆን ፤ ቫይረሱ የሚያጠቃው አእዋፍን ፤ ደሮዎችን ፤ ግመሎችንና ሌሎች እንሰሳትን ብቻ ስለነበር ፤ "የእንሰሳት በሽታ" ተብሎ ይታውቅ ነበር ። በኋላ ግን ከ1937 ዓ.ም ጀምሮ የሰውን የመተንፈሻ አካል በማጥቃት " የሰው በሽታም "እየሆነ መጣ፣ ( ምንጭ ፦ ከዓለም የጤና ጥበቃ ድርጅት ድረ-ገጽ ) ።

ከእንሰሳት ወደ ሰው ከሰውም ወደ ሰው ተላላፊ በሽታ ሆነ ። ያልበሰለ ጥሬ ስጋ ምግብ ቫይረሱን በማስተላልፍ በከፍተኛ ደረጃ ተጠርጣሪ መሆኑ ይነገራል።